İtaliyanın Baş naziri Ciorcia Meloni bu gün Parisə rəsmi səfərə gedəcək və Fransa Prezidenti Emmanuel Makronla görüşəcək.
APA xəbər verir ki, bu barədə “Euractiv France” məlumat yayıb.
Görüş zamanı tərəflər iki ölkə arasında problemli məsələləri və Ukraynaya dəstəyi müzakirə edəcəklər.
Qeyd olunub ki, Meloninin Baş nazir vəzifəsinə təyin olunmasından ötən dövr ərzində Fransa-İtaliya arasında münasibətlərinin gərgin olması səbəbi ilə bu, onun Fransaya ilk səfəridir.
O da əlavə olunub ki, liderlər ikitərəfli münasibətləri, o cümlədən narahatlıq doğuran məsələləri və gələcəkdə də Ukraynaya birgə dəstəyi müzakirə etməyi planlaşdırırlar.
Ölkə liderləri həmçinin, 29-30 iyun tarixlərində keçiriləcək Avropa Şurasının sammiti və 11-12 iyul tarixlərində baş tutacaq NATO sammitindən əvvəl öz mövqelərini koordinasiya edəcəklər.