Bu il fevralın 7-nə təyin edilmiş Azərbaycan Respublikası Prezidenti seçkilərini Türk Dövlətləri Təşkilatına (TDT) üzv olan bütün ölkələrdən müşahidəçilər izləyəcəklər.
Bu barədə secki-2024.az saytına TDT-nin katibliyindən məlumat verilib. Bildirilib ki, hazırda müşahidəçilərin siyahısı və missiyanın Azərbaycanda fəaliyyət proqramı dəqiqləşdirilir.
Qeyd edək ki, TDT-nin müşahidə missiyasının fevralın 4-dən 8-dək Azərbaycanda səfərdə olacağı nəzərdə tutulub.
