Türkiyənin Muğla bölgəsi, Seydikəmər səmtindəki Girmələr kurqan qəsəbəsindəki qazıntılar zamanı tapılan skeletlər üzərində aparılan DNT analizlərində “erkən Anadolu geni” aşkarlanıb.
“Sherg.az” “Milliyet.com.tr”yə istinadən xəbər verir ki, Girmələr məhəlləsindəki ərazidə Türkiyə Mədəniyyət və Turizm Nazirliyi və Aralıq dənizi Universitetinin dəstəyi ilə professor Taner Qorqud və professor doktor Burçin Erdoğunun rəhbərliyi ilə qazıntı işləri aparılır. Qazıntı sahəsinin müdiri B.Erdoğu AA müxbirinə bildirib ki, Girmələrdəki mağaraların ağzında və çöl hissəsində dağıdılan kurqanın dibində qazıntı işləri aparılıb. Girmələrdə ilk məskunlaşmanın 14 min il əvvələ aid olduğunu bildirən Erdoğu, məqsədlərinin ən erkən məskunlaşma təbəqələrini müəyyən edərək mədəni təbəqələri anlamaq olduğunu qeyd edib. Girmələr qəsəbəsindəki tapıntıların Qərbi Anadoluda əkinçiliyin başlanğıcı adlandırıla biləcək prosesi əks etdirdiyini bildirən Erdoğu, bunları söyləyib: "Eramızdan əvvəl IX minillikdə Girmələrdə insanların dairəvi planlı daxmalarda yaşadıqları və ilk dəfə əkinçiliklə məşğul olduqları anlaşılır. Ovçu-yığıcı cəmiyyət olmalarına baxmayaraq, əkinçiliklə məşğul olduqları anlaşılır. Bu proses çox əhəmiyyətlidir, çünki Qərbi Anadoluda ilk dəfə rast gəlinir və eramızdan əvvəl 7-ci minillikdə köç və ya müstəmləkəçilik nəticəsində bu bölgədə ilk yaşayış məskənlərinin meydana gəldiyi Girmələr qazıntısı bu fikri tamamilə dəyişdirir". Erdoğu, buradakı insanların Qərbi Anadoludakı demək olar bütün məskunlaşmış əkinçilik icmalarının əcdadları olduğunun ortaya çıxdığını vurğulayıb. Girmələrdə yaşayan insanlara aid məzarları tapdıqlarını ifadə edən Erdoğu, "Qərbi Anadoluda bu günə qədər məlum olan ən qədim skeletlərə sahib olan Girmeler qəsəbəsində skeletlər üzərində qədim DNT araşdırmaları aparıldı. Bu dövrə aid skeletlər üzərində aparılan qədim DNT araşdırmaları nəticəsində erkən Anadolu geninə rast gəlindi" deyib. Orta Anadoluda "Anadolu geni" olaraq bilinən Pınarbaşı skeletlərindəki genlərin eramızdan əvvəl 17.000-ci ilə aid edilənlərə bənzədiyini izah edən Erdoğu, Girmələrin Qərbi Anadoludakı bütün ilk əkinçilik cəmiyyətlərinin əcdadları olduğunu ifadə edib. Qəsəbənin bölgədə ilk keramika və dulusçuluq istehsalı baxımından da əhəmiyyətli olduğunu vurğulayan Erdoğu bunun Qərbi Anadolu üçün ilklərdən biri olduğunu dilə gətirib. Girmələr qəsəbəsinin kənarında yığıncaqlar, mərasimlər və ritual fəaliyyətlər üçün nəzərdə tutulan üç xüsusi tikilinin aşkar edildiyini bildirən Erdoğu, bunların kiçik daş parçaları sönmüş əhənglə qarışdırılaraq düzəldilmiş, həndəsi və ya xətti naxışlarla bəzədilmiş terrazzo əsaslı tikililər olduğunu söyləyib. Bu xüsusi tikililərdən birinin altında dəfnlərin tapıldığını deyən Erdoğu bunun Qərbi Anadolu arxeologiyası üçün bir ilk olduğunu qeyd edib.
