Türkiyədə siyasi proseslər yenidən qızışır. YENİ Partiyada prezidentliyə namizədlik məsələsi gündəmə gəlib. Partiyanın sədri Özgür Özəl Əkrəm İmamoğlunun namizədliyinin mümkün olmaması halında Ankara Böyükşəhər Bələdiyyəsinin sədri Mansur Yavaşın namizədliyinin mühüm variant olduğunu bildirib.
Sherg.az xəbər verir ki, partiya daxilindəki mənbələrə görə, İmamoğlunun namizəd ola bilmədiyi təqdirdə əsas namizədlər Özgür Özəl və Mansur Yavaş hesab olunur. Mənbələr bildirir ki, Yavaş YENİ Partiyanın namizədi olmağa razılıq versə, onun namizədliyi əsas variantlardan biri olacaq. Yavaşın namizədlikdən imtina etməsi halında isə Özəlin namizəd olacağı gözlənilir.
Kulis məlumatlarına görə, Yavaş hazırda prezidentliyə namizədlik məsələsini “zamanı və yeri gələndə müzakirə etmək” və bütün müxalifəti bir araya gətirmək strategiyasını izləyir.
Bundan başqa, İstanbulun Adalar rayonunda bələdiyyə sədr müavininin seçilməsi YENİ Partiya ilə CHP-nin seçkidə iştirak etməmək qərarından sonra sentyabrın 23-nə təxirə salınıb.
CHP həmçinin Türkiyə Böyük Millət Məclisinə təqdim etdiyi təkliflə “fond böhranı”nın bütün aspektlərinin araşdırılması üçün komissiya yaradılmasını istəyib.
