Ötən günlərdə ürək əməliyyatı olunan İbrahim Tatlısəs xəstəxanadan buraxılıb.
Bakupost.az xəbər verir ki, 2,5 saat davam edən əməliyyatı uğurlu keçən Tatlısəs bu gün evə buraxılıb.
Oğlu Əhməd Tatlı və həkimi ilə xəstəxanadan əlil arabasında çıxan Tatlısəs onu gözləyən mətbuat mənsubları ilə də söhbət edib.
Vəziyyətinin yaxşı olduğunu deyən sənətçi duyğulu anlar yaşayıb:
"Əvvəlcə Allaha, sonra həkimimə təşəkkür edirəm. Səhnədə qala bildim. Əlayam, superəm. İnsanların duaları məni yaşadır. Bitməyib. Allah bitdi demədən bitməz. 5 gün sonra Bodrumda səhnədə olacağam".
