Kıvanç Tatlıtuğ və həyat yoldaşı Başak Dizerdən romantik poza!
Bir müddət əvvəl "Ailə" serialında "Aslan Soyakan" obrazını canlandıran Kıvanç Tatlıtuğ həyat yoldaşı Başak Dizer ilə yaxın dostları Meriç Aral və Serkan Keskinin toylarına qatılıb. Yaraşıqlı aktyor həyat yoldaşı ilə sevgi dolu pozasını sosial şəbəkədə yayımlayıb.
Sherg.az xəbər verir ki, 19 fevral 2016-cı ildə Fransanın paytaxtı Parisdə ailə quran Kıvanç Tatlıtuğ və Başak Dizer 15 aprel 2022-ci ildə oğulları Kurt Efeni qarşılayıb və ilk dəfə valideyn olmaq xoşbəxtliyini yaşayıblar.
Yeddi ildir xoşbəxt ailə həyatı yaşayan Tatlıtuğ cütlüyü ötən gün yaxın dostları Serkan Keskin və Meriç Aralın toyuna qatılıb.
Tatlıtuğ 4,6 milyon izləyicisi olan İnstaqram hesabında Başak Dizer ilə romantik paylaşım edib. Cütlüyün romantik kadrına minlərlə bəyənmə və şərh gəlib.
Kıvanç Tatlıtuğ həyat yoldaşı ilə romantik fotosunu nöqtə işarəsi ilə paylaşıb. Məşhur adın paylaşımına "Maşallah", "Çox yaraşırlar", "Mənim sevimli cütlüyüm", "Qız bürcü sənin ərindir, həzz al" kimi şərhlər gəlib.
