Havaların istiləşməsiylə Dünya Səhiyyə Təşkilatından əhəmiyyətli bir xəbərdarlıq gəldi. Latın Amerika ölkələrində ciddi doğum anomaliyalarına səbəb olan Zika virusunun yayıla biləcəyi Avropa ölkələri sıralandı.
Zika virusunu daşıyan Aedes ağcaqanadlarının çatdığı yerlərdə xəstəliyin yayıla biləcəyi xəbərdarlığını edən Dünya Səhiyyə Təşkilatı, riskin ən yüksək Madeira adası və Qara dənizin şimal-şərq sahilləri olduğunu ifadə etdi. "Reuters"in xəbərinə görə, təşkilat tədbir alınmaması vəziyyətində Aedes ağcaqanadlarının 18 ölkədə virusu yaya biləcəyini açıqladı. Bu 18 ölkə ən yüksək riskdən aşağıya doğru belə sıralanır:
Fransa, İtaliya, Malta, Xorvatiya, İsrail, İspaniya, Monako, San Marino, Türkiyə, Yunanıstan, İsveçrə, Bolqarıstan, Rumıniya, Sloveniya, Gürcüstan, Albaniya, Bosniya Hersoqovina və Karadağ. Qalan 36 ölkədə isə risk aşağıdır.
Orta və ya yüksək risk daşıyan 18 ölkənin səlahiyyətlilərinə, virus daşıyıcılarına qarşı tədbir alınması, tibb işçilərini virusla erkən tanış edilməsi, hamilə qadınlar başda olmaqla risk altındakılara özlərini qorumaları üçün çağırış edildi.
