Belarusun Azərbaycandakı səfiri Nikolay Patskeviç ölkəmizdə keçirilən prezident seçkilərini həm də MDB missiyasının üzvü kimi müşahidə edir... Səfir seçki prosesi zamanı ilk təəssüratlarını APA TV-yə açıqlayıb: "Mən Azərbaycanda keçirilən prezident seçkilərini müşahidə etmək üçün MDB missiyasının üzvüyəm. Hazırda müşahidə apardığım 36 saylı məntəqədəyəm. Səsvermə öz axarında gedir, yaxşı şərait yaradılıb, heç bir qanun pozuntusu yoxdur. Heç bir şikayət daxil olmayıb, məntəqədə həmçinin müxtəlif siyasi partiyaların nümayəndələri də müşahidə aparırlar. Aktivlik müşahidə olunur və bu, deməyə əsas verir ki, seçicilər öz düzgün seçimlərini edirlər".
