Zərdab rayon sakini Ramiz Abdullayev Suriyada öldürülüb.
APA TV-nin əməkdaşı Süriyada öldürülən Ramiz Abdullayevin doğulduğu Zərdab rayon Qumlu qəsəbəsindəki evinə gedərək ailəsi ilə görüşüb.
Kamera qarşısında danışmayan ailə Ramizin bir il əvvəl Rusiyaya və oradan da Suriyaya getdiyini bildirib. Ramizin qardaşının sözlərinə görə, bir ay bundan əvvəl Rusiyaya onun arxasınca getsə də onu tapa bilməyib.
Xatırladaq ki, Ramiz Abdullayev ailəli olub, iki övladı var. Ailə üzvlərin sözlərinə görə, Suriyada döyüşlər zamanı öldürülən Ramiz Abdullayev orada dəfn edilib.
