Türkiyənin Sakarya bölgəsində tükürpədici olay baş verib.
Erenler mahalında topu "hasar"dan çölə düşən Eymen Deniz Ünlü adlı 5 yaşlı oğlan onu götürmək üçün hasarı aşıb. Bu məqamda azyaşlı 6 sahibsiz itin hücumuna məruz qalıb. İtlər uşağı yerdə sürüyüb başını və bədəninin müxtəlif yerlərini dişləyiblər. O dəhşətli anlar anbaan təhlükəsizlik kamerasına əks olunub.
Uşağın fəryadını eşidib qaçaraq gələn ana Məryəm Ünlü tellərdən ibarət hasarı atlayıb oğlunu itlərdən xilas edərək onu dərhal xəstəxanaya çatdırıb. Xəstəxanada ilkin müdaxilədən sonra uşaq əməliyyata götürülüb. Eymen Denizin vəziyyətinin yaxşı olduğu deyilir.
