"Ölkəyə gətirilən və ya ixrac edilən qidaların tərkibi ilə bağlı standartlar müəyyən olunub”.
Bunu sözləri "Sherg.az”a xarici ölkələrdən gətirilən və hazırda mağazalarda satılan plastik düyülərin olduğunu sübut edən videoların yayılmasından danışarkən iqtisadçı - ekspert Vüqar Bayramov deyib.
O diqqətə çatdırıb ki, ölkədə formalaşdırılan Qida Təhlükəsizliyi Agentliyinin(QTA) funksiyası da məhz saxta ərzaq və qida məhsullarının satışının qarşısını almaqdır:
"Ölkəyə idxal edilən qida məhsullarının tərkibi mütləq yoxlanmalıdır. Monitorinqlər göstərir ki, bazarda olan qida məhsullarının əksəriyyəti xaricdən idxal edilənlərdir. Biz ölkədə istehsal olunan qida məhsullarının strukturuna diqqət yetirsək, məmulatların əksəriyyəti xaricdən gətirilən qidalardır. Bu baxımdan yalnız keyfiyyətli məhsulların ölkəyə idxalına icazə verilsə, insanların sağlamlığı üçün daha təhlükəsiz olar.
Dövlət qurumları tərəfindən idxal olunan qida məhsullarının keyfiyyət standartları təkmilləşdirilməli, bu məhsulların sağlam tərkibdə olması prioritet götürülməlidir”.
Qeyd edək ki, mətbuatda yayılan videoda iki nəfər ayrı-ayrı qablara tökülmüş Masallı rayonunda yetişdirilmiş yerli düyü ilə xaricdən gətirilən, saxta olduğu hesab edilən düyünün qəribə üsulla tərkibini yoxlayırlar. Hər iki düyünün üzərinə kimyəvi maddə tökülür. Yerli düyünün üzərinə kimyəvi maddə tökülməsinə baxmayaraq, heç bir hadisə baş vermir. Ancaq saxta olduğu hesab edilən plastik düyünün üzərinə kimyəvi maddə töküldükdən bir qədər sonra düyü əvvvəlcə tüstüləməyə başlayır, daha sonra isə rəngi tamam dəyişərək əriyir. Hətta yerləşdiyi qabı da əridir.
Aysel Aslan
