Abşeron rayonunda məcburi köçkün ailələri üçün salınmış yaşayış kompleksinin istifadəyə verilməsi mərasimi baş tutub. Mərasimdə Azərbaycan Respublikasının Prezidenti İlham Əliyev işitak edib. Cənab Prezident tədbirdə çıxışı zamanı bildirib ki, məcburi köçkünlərin problemləri sosial məsələlər arasında ön plandadır və son illərdə məcburi köçkünlərin problemlərinin həlli işində çox böyük addımlar atılıb. Eyni zamanda ölkə başçısı qeyd edib ki, ümid edirik ki, 2019-cu il Ermənistan-Azərbaycan Dağlıq Qarabağ münaqişəsinin həlli üçün önəmli il ola bilər: "Ölkəmizin ərazi bütövlüyü qeyd-şərtsiz təmin olunmalıdır. Azərbaycanın ərazi bütövlüyünün istənilən yolla bərpası bizim suveren hüququmuzdur”.
Ölkə başçısının fikirlərini yüksək qiymətləndirən millət vəkili Elman Məmmədov "Sherg.az”a bildirib ki, cənab Prezident hər il olduğu kimi bu il də öz doğum gününü məcburi köçkünlərlə birlikdə qeyd etdi:
"Ölkə başçısının bu addımı hər kəs üçün nümunə olmalıdır. Bütün bunlar göstərir ki, Prezident öz hakimiyyəti dövründə daim məcburi köçkünlərin, şəhid ailələrinin, Qarabağ əlillərinin, hərbiçilərin və diqqətə ehtiyacı olan insanların qayğısına qalıb və hər zaman onların yanındadır. Bu, xalq iqtidar birliyinin çox gözəl bir nümunəsidir.
Tədbirdə cənab Prezident Qarabağ məsələsinə diqqəti yönəldərək bir daha öz pirinsipial mövqeyini ortaya qoydu. Bu məsələdə ölkə başçısının çox ciddi əsasları var. Ona görə ki, cənab prezidentin ötən uzun illər ərzində apardığı uğurlu siyasətin nəticəsində bunu deməyə haqqımız var və inamla olanları dilə gətiririk.
Ermənistanın bütün sahələrdə böhranlı vəziyyətə düşüb. Separatçı ölkədəki daxili gərginlik dözülməz həddə çatıb. Amma Azərbaycan inkişaf edir. Beynəlxalq qurumların ölkəmizə olan münasibəti kökündən dəyişib. Ölkəmizin nüfuzu yüksəlib.
Azərbaycanın dünyanın bir çox aparıcı dövlətləri ilə dostluq, tərəfdaşlıq münasibətləri var. Ermənistan isə işğalçı, soyqırım törədən dövlət kimi tanınır. Bu da Azərbaycanı öz ərazi bütövlüyünü təmin etməyə və ya daha dəqiq ifadə etsək qələbəyə yaxınlaşdırır. Cənab Prezident də bunun anonsunu verdi”.
Kənan Eynuroğlu
