ABŞ-da yaşayan azərbaycanlı rejissor Elmar Bayramov “Let Me Run” qısametrajlı filmi ilə növbəti uğura imza atıb.
Bu barədə Oxu.Az-a açıqlama verən rejissor bildirib ki, “Action On Film” beynəlxalq film festivalının 2020-ci il üçün olan nəticələri COVID-19 pandemiyası səbəbindən 2021-ci ildə elan edilib.
Festival ABŞ-ın Las-Veqas şəhərində 26 iyul – 1 avqust 2021-ci il tarixlərində təşkil olunub.
“Ən yaxşı qısametrajlı real hekayə” kateqoriyasının qalibi Elmar Bayramovun müəllifi olduğu film seçilib.
