Daxili İşlər Nazirliyi Bakı-Sumqayıt yolunda baş vermiş ağır yol qəzası ilə bağlı məlumat yayıb. Lent.az nazirliyin mətbuat xidmətinə istinadən xəbər verir ki, mayın 17-də saat 20 radələrində Abşeron rayonunun Saray qəsəbəsində Sumqayıt şəhər sakinləri Tofiq Haqverdiyevin idarə etdiyi "Ford” və Zabil Əsədzadənin idarə etdiyi "Mitsubishi” markalı avtomobillər toqquşub, Z.Əsədzadə idarəetməni itirdiyindən yolun kənarında dayanmış qəsəbə sakini Minə Əmiraslanovanı vurub. M.Əmiraslanova hadisə yerində ölüb. Baş İstintaq və Təhqiqat İdarəsi tərəfindən araşdırma aparılır.
*****
10:41
Bakı-Sumqayıt yolunda insan ölümü ilə nəticələnən yol qəzası baş verib. Lent.az-ın məlumatına görə, magistralın 21-ci kilometrliyində avtobus dayanacağının yaxınlığında "Ford" və "Mitsubishi" markalı iki avtobus toqquşub. Nəticədə avtobusların arasında qalan 49 yaşlı qadın aldığı xəsarətdən vəfat edib.
Faktla bağlı cinayət işi açılıb, araşdırma aparılır.
