Danimarkanın muxtar bölgəsi olan Fareo adalarında balina qətliamına şahid olan ingilis tələbə Alastair Vard (22) dəhşəti belə izah edir: "Fareo adalarına ailəmlə tətil üçün getdim. Sahillə hərəkət edərkən bir yerli yaxınlaşıb "Şanslısınız balina gəlir" dedi. Biz özünü sahilə vurmuş bir balina görəcəyimizi sandıq. Ancaq yaxınlaşan gəmilərdə yüzlərlə balina vardı. Balina dolu gəmilər sahilə yaxınıaşınca adanın yerli əhalisi bura axın etdi. Aralarında uşaqlar da vardı. Balinaları bağladıqları ipləri çəkib gövdələrində tullandılar."
Sonra balinaların qətlə yetirilib, sırayla düzüldüyünü ifadə edən Vard sözlərinə belə davam edir: "Balinalar öldürülərkən biz qayalıqda idik. Bu zaman onların can vermə səslərini eşidib pis olduq. Balinaların ölüm işgəncəsi saat yarım davam etdi. 180 balinanı doğradılar".
Danimarkalı nazir isə adada balina ovlanmasının dolanışıq və qida qaynağı olduğunu söyləyərək qırğını müdafiə edib.
