Atlantik okeanında qeydə alınan və ada ölkələrindən keçərək Floridaya doğru irəliləyən Irma qasırğasının şiddətinin üçüncü kateqoriyaya (təxminən 200 kilometr) endiyi, ancaq qasırğanın irəliləyən saatlarda şiddətini artıracağı bildirilir.
Qasırğanın vuracağı başda Florida ştatı olmaqla Şimali Karolina, Cənubi Karolina, Georgia və Virginiya əyalətlərində qismən və əyalət daxilində fövqəladə vəziyyət elan olunub.
Floridaya bazar günü səhər saatlarında çatması gözlənilən qasırğa üçün 700 min insanın təxliyyə edilməsinə qərar verilib. Son rəqəmlə birlikdə, əyalətdən təxliyyə edilməsinə qərar verilənlərin sayı 7 milyona yaxınlaşdı.
Florida Qubernatoru Rick Scott, təxliyyə qərarı verilənlərin dərhal evlərindən ayrılması lazım olduğunu ifadə edərək, "Bu, əyalətin əvvəl heç görmədiyi dərəcədə dağıdıcı bir fırtınadır" deyə bildirib.
Zamanın sürətlə daraldığını dilə gətirən Scott, hələ də əyalətdə təsirli olan şiddətli külək səbəbiylə 25 min evə elektrik verilə bilmədiyini bildirdi.
