"Tarif Şurasının 5 sentyabr 2014-cü il tarixli 8 nömrəli qərarına əsasən, 199 nömrəli avtobusda gediş haqqı 25 qəpikdir”.
Bu barədə "Sherg.az”a Xırdalan - Bakı istiqaməti üzrə hərəkət edən 199 saylı sərnişin avtobuslarında gediş haqqı bahalaşması barədə sualımızı cavablandırarkən Bakı Nəqliyyat Agentliyinin Mətbuat Xidmətinin rəhbəri Mais Ağayev məlumat verib.
O diqqətə çatdırıb ki, həmin qərara əsasən həmin marşrut xətti üzrə hərəkət edən sərnişinlər ara məsafələrdə düşərlərsə, o halda 20 qəpik verməlidirlər:
"Yəni marşrut üzrə əgər Xırdalandan "Gənclik” metro stansiyasına gedən varsa, o 25 qəpik verməlidir. Məsələn, kimsə Xırdalandan "20 Yanvar” metro stansiyasına və ya "Şamaxinka”ya gedirsə, o halda 20 qəpik ödəməlidir”.
Əksər hallarda sürücülərin sərnişinlərə 5 qəpik qalığı qaytarmadığına da toxunan Mais Ağayev deyib ki, sərnişinlər mütləq pullarının qalığını tələb etməlidirlər:
"Bu Tarif Şurasının qərarıdır və hər kəs buna əməl etməlidir.
Sərnişinlərin istəyi üzrə 199 nömrəli marşrut avtobusunun kart sisteminə keçməsinə gəlincə, bu il nağdsız ödəniş sistemi ilə çalışan avtobuslar sayının artırılması planlaşdırılır”.
Aysel Aslan
