Bakının əsas magistral avtomobil yollarında sürət həddi azaldılıb.
Bu barədə "Sherg.az"a Bakı Nəqliyyat Agentliyindən (BNA) bildirilib.
Verilən məlumata görə, hazırda müşahidə edilən hava şəraiti ilə əlaqədar Heydər Əliyev prospekti-Hava limanı-Buzovna yolu və Zığ dairəsi-Hava limanı avtomagistrallarında bütün zolaqlar üzrə sürət həddi 20 km/saat endirilib. Məqsəd qeyd edilən yollarda hərəkətin təhlükəsizliyini təmin etməkdir.
Bakı Nəqliyyat Agentliyi sürücülərdən bu cür hava şəraitində nəqliyyat vasitələrini yollarda müəyyən edilən sürət həddinə əməl etməklə idarə etmələrin xahiş edir.
