"Azərbaycan, Rusiya və İran arasında çəkiləcək dəmir yolu xətti ölkəmizə xeyir gətirəcək”.
Bunu Sherg.az-a Azərbaycan, Rusiya və İranın müvafiq qurumları arasında martın 7-də Moskvada dəmir yolu nəqliyyatı sahəsində əməkdaşlıqla bağlı memorandum imzalanmasına münasibət bildirərkən iqtisadçı-ekspert Oqtay Haqverdiyev deyib.
O bildirib ki, Rusiya ilə İran arasında əlaqə yaradan dəmir yolu xəttində yükdaşımalarla bağlı ümumi tarifə də baxılıb:
"Azərbaycandan keçdiyinə görə təbii ki, haqqı veriləcək. Bununla bağlı demək olar ki, 50 ildir danışıqlar gedirdi. Hazırda isə nəticə müəyyən olunub. Azərbaycan üçün bu memorandum həm geosiyasi, həm iqtisadi baxımdan əhəmiyyətlidir”.
Qeyd edək ki, Azərbaycan, Rusiya və İranın müvafiq qurumları martın 7-də Moskvada dəmir yolu nəqliyyatı sahəsində əməkdaşlıqla bağlı memorandum imzalayıb. Məlumata görə üçtərəfli görüşdə 2017-ci ilə dəmir yolunda yükdaşımalarla bağlı ümumi tarifə də baxılıb.
Aysel Aslan
