"Çox möhtəşəm bir tədbir oldu və Prezident İlham Əliyev Milli Məcslidə dəyərli çıxış etdi”. Bunu "Sherg.az”a açıqlamasında millət vəkili Elman Məmmədov parlamentin 100 illik yubleyi ilə bağlı keçirilən təntənəli tədbirdən danışarkən deyib.
Deputat bildirib ki, dövlət başçısı həm parlamentin tarixi, həm də fəaliyyəti ilə bağlı çox mühüm məqamlara toxundu:
"Prezident İlham Əliyevin toxunduğu ən mühüm məsələ Dağlıq Qarabağ münaqişəsinin həlli idi. Növbəti dəfə cənab Prezidentimiz Ermənistan rəhbərliyinə xəbərdarlıq etdi ki, əgər bu məsələyə münasibətini dəyişməsə, özündən əvvəlkilərin yolunu davam etsə, bunun axırı heç də yaxşı qurtarmayacaq. Görürsüz, hazırda ermənilərin yeni hökuməti özlərinə məxsus diktatura qurmağa çalışır, hər gün sərsəm bəyanatlar verir. Bunlara son qoymaq lazımdır”.
Millət vəkilinin sözlərinə görə, Azərbaycanın ən ümdə problemi Dağlıq Qarabağ münaqişəsinin həll edilməsidir:
"Rəsmi Bakının Qarabağla bağlı mövqeyi bəllidir. İşğalçı qüvvələr Azərbaycan torpaqlarını birfədəlik tərk etməli, Azərbaycanın ərazi bütövlüyü təmin olunmalıdır. Dövlət başçımızın mesajı həm də beynəlxalq təşkilatlara idi. Əgər BMT və ATƏT-in Minsk qrupu işğalçı dövlətə qarşı heç bir tədbir görmürsə, buradan belə çıxır ki, onlar da düşmənlə əlbirdirlər. Bundan sərt mesaj olmazdı. Ancaq dövlət başçısı bunu qətiyyətlə ifadə etdi”.
İsmayıl
