"Paralel strukturların aradan qaldırılması çox vacib idi. Bu qərar dövlət idarəçiliyində çevikliyi artıracaq, pərakəndəliyi və məmur çoxluğunu aradan qaldıracaq, eyni zamanda faydalı iş əmsalını yüksəldəcək”.
Bunu "Sherg.az”a açıqlamasında millət vəkili, Vəhdət Partiyasının sədri Tahir Kərimli deyib.
Deputat ilk olaraq Prezident İlham Əliyevin ötən gün keçirilən müşavirədəki çıxışını çox bəyəndiyini bildirib:
"Zaman-zaman həmkarlarımla söhbətimizdə institusional islahatların, struktur dəyişikliyinin zəruriliyini qeyd edirdik. Parlamentin iclaslarında, rəsmi görüşlərdə, mətbuatda bu cür islahatların önəmi haqqında dəfələrlə fikir söyləmişəm. Müşavirədə dövlət başçısının islahat anonsu verməsi və dərhal Sərəncam imzalaması məni hədsiz sevindirdi. Dövlət başçısı özü də qeyd edirdi ki, aparatın şişirdilməsi faydalı deyil və bu məqam çevik qərarların qəbul edilməsinə mane olur. Əgər müxtəlif qurumlar sadəcə bir təşkilatda birləşdirilirsə, deməli işləri vahid mərkəzdən idarə etmək mümkündür. Düzdür, qurumların ləğvi müəyyən ixtisarlara gətirib çıxaracaq. Ancaq bununla bağlı lazımi tədbirlər görüləcək. Prezident hökumətə xüsusi tapşırıq verib”.
Tahir Kərimli "Azərsilah” ASC-nin yaradılmasından da danışıb:
"Parlamentdə məsələ qaldırmışdım ki, Rusiya və Türkiyə kimi dövlətlərdə Müdafiə Sənayesi Nazirliyi yoxdur. Azərbaycan belə bir quruma ehtiyac varmı?! Bəzi şəxslər qeyri-adi təklifdən dolayı məni qınayırdılar. Gördüyünüz kimi cənab Prezidentin qərarı mənim təklifimlə üst-üstə düşdü. İnanıram ki, bu islahatlar davam edəcək və getdikcə bunun faydasını görəcəyik. Məlumatıma görə, bir sıra qurumlarla bağlı da qərarlar olacaq”.
İsmayıl
