BBC-nin Əhməd Şah adlı müxbiri Şərqi Əfqanıstanda yerləşən Xost əyalətində qətlə yetirilib.
AzNews.az xarici KİV-lərə istinadən xəbər verir ki, BBC-nin Əfqan Servisinin Nümayəndəsi olan 29 yaşlı Əhməd Şah evə qayıdarkən motosikletlə hərəkət edən naməlum şəxslər ona atəş açıb.
BBC-nin direktoru Cemi Anqusun dediyinə görə, Əhməd Şah çox hörmətli və məşhur jurnalist idi. Onun ölümünü dərin hüznlə yad etdiyini qeyd edib.
Qeyd edək ki, bu gün Əfqanıstanın paytaxtı Kabil şəhərində baş verən 2 ölümcül partlayışlarda 8-i jurnalist 4-ü polis nəfəri olmaqla ümumilikdə 25 nəfər həyatını itirib.
