"Prezidentin Azərbaycan Əfqanstan veteranları ilə bağlı imzaladığı sərəncamı bir daha təsdiq edir ki, ölkə başçısı vətəndaşlarımızın hər birinin diqqət və qayğı ilə əhatə olunması istiqamətində böyük işlər görür”.
Bu sözləri "Sherg.az”a millət vəkili Aydın Hüseynov deyib.
Deputat bildirib ki, Prezident hər zaman Azərbaycan vətəndaşlarını diqqətda saxlayıb:
"Xüsusilə, sosial qayğıya ehtiyacı olan vətəndaşlarımız, qaçqın və məcburi köçkünlərimiz, Qarabağ müharibəsi veterenaları, əlillər və şəhid ailələri üçün əmək haqqlarının, pensiyaların, təqaüdlərin artırılması prosesi həyata keçirilib. Bundan başqa, şəhid vərəsələrinə 11 min manat vəsaitin verilməsi, eləcə də bu tədbirlərin həyata keçirilməsi üçün 600 milyon manat vəsaitin iqtisadi dövriyəyə cəlb olunması ilə bağlı göstərişlər verilib.
Əfqanstan veteranları üçün imzalanan sərəncam həmin insanlara maddi dəstəkdən daha çox mənəvi dəstək və qayğıdır. Azərbaycan vətəndaşlarının hər bir kateqoriyası tam əmindir ki, onun arxasında ölkə başçısı durur və hər zaman Prezidentin qayğısı ilə əhatə olunacaqlar. Cənab Prezidentin bu addımı onun bir ölkə başçısı olaraq yürütdüyü sosial siyasətin hərtərəfli olduğunu bir daha göstərdi”.
Qeyd edək ki, Prezident İlham Əliyev Azərbaycan Əfqanıstan veteranlarına dövlət qayğısının artırılması ilə bağlı əlavə tədbirlər haqqında sərəncam imzalayıb. Sərəncama əsasən Əfqanıstanda müharibənin başa çatmasının 30 illiyi ilə əlaqədar Azərbaycan Əfqanıstan veteranlarına dövlət qayğısının artırılması, Azərbaycan Əfqanıstan Veteranları İctimai Birliyinin maddi-texniki bazasının gücləndirilməsi, habelə Birliyin fəaliyyətinin təkmilləşdirilməsi üçün cari məsələlərin həlli və nəzərdə tutulan tədbirlərin həyata keçirilməsinin təmin olunması məqsədilə Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Prezidentinin ehtiyat fondundan Azərbaycan Əfqanıstan Veteranları İctimai Birliyinə 1 milyon manat ayrılsın.
Yeganə Bayramova
