Türkiyə prezidenti Ərdoğan terrorda yaralananları ziyarət etdikdən sonra qısa açıqlama verib. "İçimizi sızladan bir mənzərə ilə qarşı-qarşıya qaldıq. Millətimizin başı sağ olsun. Amma bunu bilmələri lazım ki, bunlar cavabsız qalmayacaq. Bunun hesabını soruşacağıq. Mən bütün şəhidlərimizə Allahdan rəhmət diləyirəm. Qazilərimizə şəfalar diləyirəm. Bizi bunlarla qorxudacaqlarını zənn edirlərsə, biz bu alçaqlara, bu namərdlərə meydanı buraxacaq qədər alçalmadıq. Biz bu yola kəfənimizlə çıxdıq. Daha ağır əvəzlər ödəyəcəklər. Bunu birdəfəlik bilmələri lazımdır."
Xəstəxananı tərk edən Ərdoğana, çıxışda vətəndaşlar sevgi nümayişi göstərdi. İnsanlar "Dik dayan, əyilmə, bu millət səninlə", "Edam istəyərik" şəklində şüarlar səsləndiriblər.
