"İllərdir münaqişənin sülh yolu ilə həllinin vacibliyini və əhalinin sülhə hazırlanmasını ATƏT-in Minsk Qrupunun ayrı-ayrı həmsdərlərindən eşidirik”.
Bunu "Sherg.az”a açıqlamasında siyasi elmlər namizədi Zaur Məmmədov deyib.
Analitikin sözlərinə görə, Azərbaycanın istədiyi odur ki, Cənubi Qafqazda bütün xalqlar əmin-amanlıq və sülh şəraitində yaşasınlar, bir-biri ilə bütün sahələrdə əməkdaşlıq etsinlər, mehriban qonşuluq siyasətinə uyğun davransınlar. Lakin Ermənistanın işğalçılıq siyasəti Azərbaycanın və ATƏT-in Minsk Qrupunun bəyan etdiyi kimi münaqişənin həllinə və xalqların sülh prosesinə hazırlanması prosesinə maneçilik törədir:
"Ermənistan tərəfi, xüsusən baş nazir Paşinyan erməni xalqını sülhə hazırlamalıdır. Çünki Ermənistan dövlətinin mövcudluğu Azərbaycan torpaqları üzərində qurulub. Təcavüzkar Ermənistan ordusu Dağlıq Qarabağı, ətraf rayonları işğal edərək bugünə kimi işğalda saxlayır. Ona görə də ilk növbədə erməni xalqını sülhə hazırlamaq lazımdır.
Paşinyan nəzərə almalıdır ki, erməni əhalisi getdikcə daha bərbad vəziyyətə düşəcək. Faktiki olaraq Ermənistan müstəqilliyini itirmiş dövlətdir. Əgər Paşinyan bunun əksini iddia edirsə, o zaman müstəqil şəkildə qərar qəbul etməli, münaqişənin nizamlanması ilə bağlı obyektiv mövqe sərgiləyərək qoşunları işğal edilmiş ərazidən çıxarmalıdır”.
Politoloqun sözlərinə görə, Azərbaycan tərəfi dəfələrlə bəyan edib ki, Dağlıq Qarabağda ermənilər və Azərbaycanlılar uzun müddət sülh şəraitində yaşayıblar. Bugün də Azərbaycanda ermənilər yaşamaqdadır:
"Rəsmi Bakı hər zaman Azərbaycanın tərkib hissəsi kimi Dağlıq Qarabağda ermənilərin yaşamasına şərait yaradacığını bəyan edib. Ermənilər əmin olsunlar ki, onların ən gözəl həyat şəraiti məhz Azərbaycan dövlətinin himayəsi altında mümkün olacaq. Münaqişənin sülh yolu ilə həll edilməməsi problemin müharibə ilə çözülməsi deməkdir. Bu da ən çox ermənilərə ziyan verəcək”.
İsmayıl
