Ermənistanda "Yüksəkvoltlu energetik şəbəkə” şirkətinin şimal filialının əməkdaşları fevralın 28-də işdən azadedilmələrə etiraz əlaməti olaraq M-6 dövlətlərarası yolu bağlayıblar.
Virtualaz.org "Shamshyan.com”a istinadən xəbər verir ki, filialın direktoru Edqar Bocukyanın jurnalistlərə bildirdiyinə görə, bir neçə digər əməkdaş da səbəbi izah edilmədən işdən çıxarılıb.
Bundan bir qədər sonra baş ofisdən direktorla əlaqə saxlayıblar və bildiriblər ki, şirkətin nümayəndələri sabah onlarla görüş keçirəcək. Əməkdaşlar yolu açıblar və qeyd ediblər ki, sabahkı görüş müsbət nəticələnməzsə, yolun bağlanması davam etdiriləcək.
