Fransanın Nis şəhərində "sarı jilet”lilərin martın 23-də keçirdiyi növbəti aksiyada 73 yaşlı xanım nümayişçi ağır xəsarətlər alıb.
"Sherg.az” ".lefigaro.fr”ə istinadən xəbər verir ki, bu zorakılığın Fransa polisi tərəfindən törədilməsinə dair iddialar irəli sürülür.
Məhz bu iddialardan sonra Nis prokurorluğu bu məsələnin səbəblərinin öyrənilməsinə dair araşdırmalara başlayıb.
Nisin porokuroru Jan Mişel Pretr qeyd edib ki, Jöneviev Leqay adlı 73 yaşlı nümayişçinin yerə yıxılaraq, xəsarət alması hadisəsi aydınlaşacaq. Məsələ hələ dəqiqləşməyib.
Çünki hadisə baş verən zaman J.Leqayın yanında polis nəfəri ilə yanaşı hadisəni işıqlandıran jurnalist, digər bir namayişçi və şabalıdı rəngli "kaska” geyinən bir şəxs də olub. Bu mənada biz hələ araşdırmaları davam etdiririk.
Qeyd edək ki, 73 yaşlı J.Leqayın ailəsi bu zorakılıqla bağlı iki dəfə prokurorluğa şikayət edib. Onlar bu zorakılığın məhz aksiyanın qarşısını almağa çalışan polis nəfəri törədildiyini iddia edirlər. Prokurorluq isə məsələni araşdıracaqlarını bildirir.
Tərcümə etdi: Ayyət Əhməd
