ABŞ və Fransanın xəbərdarlıqlarına baxmayaraq İran orbitə yenidən peyk buraxıb.
"Sherg.az" "rfi.fr"ə istinadən xəbər verir ki, bu peyk ballistik raketlərlə eynilik təşkil etdiyi üçün Təhlükəsizlik Şurasının prinsiplərinə uyğun gəlmir.
İran Telekommunikasiya Nazirliyinin yaydığı məlumata əsasən raket Omid müşahidə peykini yerdən 5 yüz kilometr yüksəyə qaldırmağa nail olsa da, onu orbitə yerləşdirə bilməyib. Raketin üçüncü mərhələsi peykin orbitə yerləşdirilməsi üçün lazım olan sürətə çatmayıb.
İran mətbuatı da bu peykin buraxılmasına dair görüntülər yayıb. Amerika və Fransa isə İranın məlum addımını tənqid ediblər.
Yanvar ayının əvvəlində Amerika dövlət katibi Mayk Pompeo da təsdiləyib ki, İranın bu qərarı Təhlükəsizlik Şurasının 2231-ci bəndinə qarşı meydan oxumaqdır.
Çünki bu bəndə əsasən İran nüvə başlığı daşıma qabiliyyətinə malik olan raketləri buraxmamalıdır. Bu mənada Vaşqinton və Paris hesab edir ki, Tehran ballistik raket məsələsində yenə eyni texnologiyadan istifadə edir.
Bu həftənin bazar ertəsi isə İran prezidenti Həsən Ruhani İrana qarşı olan bu tənqidləri rədd edib. O bildirib ki, Tehran nüvə başlıqlı raket deyil, öz ölkəsinin mühəndisləri tərəfindən inşa edilən bir peyk buraxmağı planlaşdırırdı.
Tərcümə etdi: Ayyət Əhməd
