"İsrailin Azərbaycanla 13 milyon dollar məbləğində zərbə PUA-ların alınması barədə müqavilənin imzalanması reallaşdı”.
Bunu "Sherg.az”a açıqlamasında Cənubi Qafqaz Sülh və Münaqişələrin Həlli Mərkəzinin rəhbəri Məhəmməd Əsədullazadə deyib.
Analitik bildirib ki, İsraillə Azərbaycan arasında siyasi-iqtisadi və hərbi-texniki əməkdaşlıq öz dinamikliyi ilə inkişaf edir:
"Azərbaycan Cənubi Qafqazda İsrailin strateji tərəfdaşı olaraq regionda mühüm ölkədir. Buradan İsrail Mərkəzi Asiya ölkələri ilə sıx əlaqələr saxlayır, həmçinin Xəzər regionunda Azərbaycanın maraqlarını tam dəstəkləyir. Bu da İsrailin Azərbaycana nə qədər önəm vediyinin göstəricisidir. Vurğulamaq istərdim ki, İsrailin Rusiyanın siyasi elitasına təsir qüvvəsi danılmazdı. Məhz Rusiyanın bütün cəhdlərinə baxmayaraq, İsrail Suriyada öz hərbi varlığını davam etdirir və Əsəd qüvvələrinə qarşı zərbələr endirir. Moskva Təl-Əvivlə hesablaşır.
Bundan əlavə, İsrail ərəb ölkələri ilə təmasları yaxşılaşdırıb. Belə olan təqdirdə Azərbaycan manevr imkanları genişləndirməklə İsrail kimi nəhəng siyasi dövlətin dəstəyini qazanacaq. Göründüyü kimi İsrail Qarabağ münaqişəsinin həllində Rusiya ilə danışıqlar apara bilər. Bu, Azərbaycanla İsrail rəsmiləri arasında diplomatik danışıqlardan asılıdır. Hesab edirəm ki, bu mümkündür”.Politoloq bildirib ki, artıq regionda yeni siyasi siyasi nizam formalaşır və geostrateji toqquşmalar baş verir:
"Ona görə də İsrailin regionumuzda sülh yaratma missiyası müsbət nəticələnə bilər. Bu gün İsrail Azərbaycanı silahlandırırsa, deməli siyasi dəstəyi mümkündür. Diplomatik danışıqlar üçün zəmin yaranıb. Rəsmi Bakı bunu dəyərləndirməlidir”.
Siyasi şərhçinin sözlərinə görə, hazırda İsrailin regionda ciddi maraqları var:
"İsrailin bu maraqlar konteksində Qarabağ münaqişəsinin həllində Moskva ilə siyasi təmasları mümkündür. Təmaslar real nəticələrin əldə olunmasına gətirib çıxarar. Ermənistanın İranla siyasi-iqtisadi bağlılığı və İran üçün enerji qapısı təklifini irəli sürməsi, təbii ki, Təl-Əvivddə məmnuniyyətlə qarşılanmır. Ermənistan regionda İsrail üçün əsas problemli ölkədir”.
İsmayıl
