"Neftin qiymətində ucuzlaşma müşahidə olunsa, "Fitch” və digər agentliklərin manatın qiyməti ilə bağlı verdiyi proqnozlar özünü doğrulda bilməz"
Bu barədə "Sherg.az”a "BMI Research" araşdırma şirkətinin 2018-ci ildə Azərbaycanda dolların manata qarşı məzənnəsinin 1,73 manat səviyyəsində olacağına dair proqnozunu dəyərləndirərkən iqtsadçı - ekspert Natiq Cəfərli bildirib.
Onun sözlərinə görə, bütün reytinq agentliklərində önəmli qeydlər var. Həmin qeydlər ondan ibarətdir ki, neftin qiyməti yüksək səviyyələrdə - 65-70 dollar olarsa, manatın məzənnəsi "BMI Research"ün proqnozlaşdırdığı səviyyədə qala bilər:
"Artıq hər şey neftdən asılıdır. Neft qiymətlərinin Azərbaycanın bütün iqtsadiyatına, eyni zamanda manatın məzənnəsinə təsir göstərdiyi aydın müşahidə olunur. Neftin qiymətləri yuxarı səviyyədə - 65-70 dollar səviyyəsində qalarsa, manata olan təsirlər ciddi azalacaq. Neftin qiymətində enmələr müşahidə olunarsa, "Fitch” və digər agentliklərin verdiyi proqnozlar özünü doğrultmayacaq".
Kənan Eynuroğlu
