Frasanın paytaxtı Parisdə 50 m²-lik mənzil almaq üçün aylıq qazancın 7 min avrodan çox olmalıdır.
"Sherg.az” "lefigaro.fr”ə istinadən xəbər verir ki, son aylar Parisdə daşınmaz əmlakın qiyməti kəskin şəkildə bahalaşıb. Artıq fransızlar bu şəhərdən ev almaq məsələsində tərəddüdlərini gizlətmirlər. Onlar paytaxtda mənzilin qiymətinin əlçatmaz olduğunu bildirirlər.
Bir aydan nisbətən az müddət olar ki, hökumətin sözçüsü Benjamin Qrivo da bu bahalaşmanı təsdiqləyib.
O qeyd edib ki, Parisdə 50 m²-lik mənzilə sahib olmaq üçün ayda 7900 avro məvacib almalısan. Çünki bu şəhərdə evlər kifayət qədər bahalaşıb.
Onu da qeyd edək ki, B.Qrivon bu bəyanatı "sarı jilet"lilər böhranın ən qaynar vaxtında səsləndirib ki, bu da etirazların dalğasını daha da genişləndirib. Amma fakt odur ki, hökumət sözçüsü həqiqəti dilə gətirib.
Onu da əlavə edək ki, hazırda Parisdə mənzillərin 1m²-i 9560 avroya satılır, lakin bu qiymət aprel ayından etibarən 9730 avroya qədər bahalaşa bilər.
Tərcünməı etdi: Ayyət Əhməd
