"Dövlət siyasətinin Avropa İttifaqı (Aİ) ilə əməkdaşlığa yönəldiyi məqamda millət vəkilinin açıqlamaları anlaşılan deyil”.
Bunu "Sherg.az”a Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov "Azərbaycan Avropa İttifaqına inteqrasiyanın deyil, bu birliklə qarşılıqlı faydalı əməkdaşlıq etməyin tərəfdarıdır” fikirlərini şərh edərkən politoloq Elxan Şahinoğlu deyib. O xatırladıb ki, bu ilin fevralında dövlət başçısı Brüsseldə Aİ rəsmiləri ilə danışıqlarda da Azərbaycanın bu təşkilatla əməkdaşlıqda maraqlı olduğunu vurğulayıb:
"Şərq Tərəfdaşlığı sammitində də bu məsələ bir daha qeyd edildi. Bərabər hüquqlu əməkdaşlıq, Azərbaycanın maraqlarının nəzərə alınması isə sözsüz təmin edilməlidir. Hansı aspektdən baxsaq, Avropa ilə əməkdaşlıq Azərbaycanın xeyrinədir. Ona görə, strateji sənəd üzərində iş gedir, işçi qruplar var. Bu sənəd Azərbaycanın Avropa İttifaqına inteqrasiyasını gündəmə gətirməsə də, sıx inteqrasiyanı nəzərdə tutur. Ona görə, Səməd Seyidovun bu fikirlərlə nəyi nəzərdə tutduğunu anlamadım”.
Qeyd edək ki, deputatın sözlərinə görə, hər hansı birliyə inteqrasiya ölkənin müqəddəratını həmin təşkilata həvalə etmək deməkdir.
Aysel Aslan
