Bursanın İnegöl qəsəbəsində ailəsiylə birlikdə qız istəməyə gedən qatı "Fənərbaxça" tərəfdarı Həsən Sağlam (22), gələcək qayınatası Cengiz Baltacı'dan "Trabzonspor"lu olmayana qız vermərəm" cavabı alandan sonra minarəyə çıxıb, "Bundan sonra "Trabzonspor"luyam, hər yer "Trabzon" deyə qışqırdı.
Çörək sexində çalışan Həsən Sağlam evin böyükləriylə birlikdə, könülünü oğurladığı Fatma Baltaçını istəmək üçün evlərinə getdi. Qatı "Trabzonspor" tərəfdarı olan qızın atası Cengiz Baltacı, kürəkən namizədinə, "Trabzonspor"lu olmayana qız vermərəm" dedi. Cengiz Baltacı Həsən Sağlama "minarəyə çıxaraq "Mən Trabzonspor"luyam" deyə qışqırsa, qızını verə biləcəyini ifadə edib.
"Bordo-mavi" formanı əyninə keçirib "Yunus Əmrə" məscidinin minarəsinə çıxan Həsən, "Mən Həsən Sağlam, bu günə qədər "Fənərbaxça"lı idim, bundan sonra "Trabzonspor"luyam, hər yer "Trabzon" deyə qışqırdı. O anları da bir dostu cib telefonuyla qeydə aldı. Həsən Sağlam dostunun çəkdiyi görüntüləri qızın atasına göndərdi.
Artıq "Trabzonspor"u tutmağa başladığını ifadə edən, "Mən qatı bir "Fənərbaxça"lıyam. Gələcək qayınatam mənim "Fənərbaxça"lı olduğumu öyrənib, bu vəziyyətə reaksiya verdi. Mənə, Minarəyə çıxıb "Trabzonspor"luyam deyə qışqırmasam qızımı vermərım" dedi. Minarəyə çıxdım, qışqırdım. Videonu da qayınatama göndərdim. Sevgi komandadan daha önəmlidir. Bundan sonra "Trabzonspor"luyam" deyə bildirib.
Turan
