Dağıstanda 2010-cu ildə Moskva metrosunda törədilmiş partlayışlarda əli olan silahlı saxlanılıb.
AZƏRTAC xəbər verir ki, quldur dəstənin üzvü, Moskva metrosunda törədilmiş iki partlayışda əli olan Maqomedali Vahabov Dağıstanın Xasavyurt rayonunda tutulub.
Rusiya Federal Təhlükəsizlik Xidmətinin İctimai Əlaqələr Mərkəzinin məlumatına görə, M.Vahabovun üzvü olduğu qrupun başçısı 2010-cu ildə məhv edilib. Bu cinayətkar qrup 2010-cu il martın 29-da Moskva metrosunun "Lubyanka” və "Park kulturı” stansiyalarında intiharçı terrorçular tərəfindən törədilmiş partlayışların təşkilində iştirak edib. M.Vahabova mütəşəkkil qrupun tərkibində terror aktları törətmək ittihamı irəli sürüləcək.
Xatırladaq ki, həmin partlayışlar nəticəsində 41 adam həlak olub, 88 nəfər yaralanıb.
