Bu günlərdə Rusiyanın NTV telekanalında "Görüş yeri” verilişində rusiyalı politoloqların işğalçı ermənilərə qarşı kəskin mövqeyi ortaya qoyulub. Verilişdə yarım saat ərzində Ermənistanı və onun prezidenti Serj Sarkisyanı ən ağır ifadələrlə dəfələrlə aşağılayıblar. Düşmən ölkə Rusiyanı arxadan vurmaqla, xəyanət etməklə suçlanıb.
Rusiya büruzə verməsə də, Ermənistanın Avropa ilə Şərq Tərəfdaşlığı müqaviləsinin bağlanmasını satqınlıq kimi dəyərləndirib. Proqramda nankor Ermənistana göstərilən köməklər xatırlanıb. Vurğulanıb ki, faktiki olaraq Ermənistanı Rusiya saxlayır. Verilişdə həmçinin, bəyan edilib ki, Rusiyanın mətbuatı və kinematoqrafiyası ermənilərin nəzarətindədir. Rusiyanın bugünədək himayə etdiyi Ermənistana qəzəblənməsi düşmən ölkədə ciddi təşvişə səbəb olub. Erməni ekspertlər bunu İrəvanın fəlakəti kimi dəyərləndiriblər.
Məsələni "Şərq”ə şərh edən politoloq Tofiq Abbasov deyib ki, sözügedən verilişdə Ermənistan haqqında təhqiramiz ifadələr səsləndirilib. Ekspertə görə, rusiyalı politoloqlar Ermənistanı yüngül xasiyyətli qadına bənzədiblər:
"Hamı yaxşı bilir ki, Ermənistan uzun müddət sahibi Rusiyaya sadiq olub, Moskva ilə yaxın münasibət saxlayıb. Bunun müqabilində Rusiyada əksəriyyət düşmən ölkəni müdafiə edib və onları işğalçı kimi qələmə verməyiblər. Amma indi rus siyasətçilər Sarkisyanı nankor və özünə başqa "oynaş” axtaran əxlaqsız qadın kimi təqdim edirlər. Emosionallıq olsa da, əslində verilişdə deyilənlərin hamısı həqiqətdir. Ermənistan bütün təhqirlərə layiqdir. Düzdür, siyasətdə bu cür gedişlər edilir, riyakar addımlar atılır. Ermənistan birinci dəfə deyil ki, anlaşmalara naxələf çıxır, xəyanət edir. Belə davranmaq ermənilərin qanında var.
Lakin proseslər İrəvanın çıxılmaz vəziyyətdə qaldığını göstərir. NTV efirində səslənən fikirlərə görə, hazırda Ermənistanda çox ciddi çaxnaşma müşahidə olunmaqdadır. Çünki Rusiyada yaşayan tanınmış ermənilər də həmin politoloqlar kimi Sarkisyan rejimini sərt tənqid edirlər. Guya Ermənistan özü bilərəkdən manevr edib və Rusiyanı nələrəsə məcbur etməyə çalışıb. Hətta iddia edirlər ki, Ermənistan Rusiya ilə Avropa arasında "körpü” rolunu oynamağa çalışıb. Lakin bunların hamısı cəfəng və reallığı əks etdirməyən bəhanələrdir. Moskva tərəfindən verilən reaksiyalar sübut edir ki, Ermənistan ikiüzlülük edərək, Kremlin rizası olmadan Şərq tərəfdaşlığını imzalayıb. Çox güman ki, düşmən ölkənin bu addımı cəzasız qalmayacaq. Bunun Azərbaycan tərəfinə hansısa fayda verib-verməyəcəyini isə zaman göstərəcək”.
İsmayıl
