"Azərbaycan bütün dünyaya tolerantlığı ilə nümunə ölkədir. Bu şəraiti Ulu Öndər Heydər Əliyev yaradıb. Bugün o siyasətin davamçısı cənab İlham Əliyevdir”.
Bunu "Sherg.az”a açıqlamasında ilahiyyat üzrə fəlsəfə doktoru Rəşad Məmmədov deyib.
Ekspert bildirib ki, ölkəmizdə bütün dinlərə dövlət tərəfindən kifayət qədər dəstək var:
"Ölkə başçısı, birinci xanım və övladları Həcc ziyarətində olublar. Dövlətimiz məscidləri, kilsə və sinaqoqlaru daim nəzarətdə saxlayır və daim maddi dəstəyini göstərir.
Məlumdur ki, bəzi "müsəlman” ölkələr Azərbaycanda dini zəmində çaxnaşma yaşatmağa cəhd ediblər. Lakin bu cür halların qarşısı həm dövlət qurumları, həm də xalqımız tərəfindən alınıb. Ölkə başçısı və birinci vitse-prezidentin xeyirxah işləri göz qabağındadır.
Şəhid ailələrinə, qazilərə, qaçqın və məcburi köçküünlərə, mədəniyyət və incəsənət adamlarına, o cümlədən din xadimlərinə göstərilən diqqət və qayğı, son iki-üç ay ərzində verilən qərarlar Prezidentin daim xalqın yanında olmasından xəbər verir.
Məhz buna görə də xalq hər zaman dövlətin, xüsusən Prezident İlham Əliyevin yanındadır. Təbii ki, müsbət addımlar atılır və bundan sonra daha güclü işlər gedəcək. İctimaiyyət dövlət tərəfindən görülən bütün işləri təqdirəlayiq hesab edir”.
İsmayıl
