"Cənab Prezident həmişə xalqımızın problemləri ilə yaxından maraqlanıb”.
Bu sözləri "Sherg.az”a açıqlamasında sabiq millət vəkili Həvva Məmmədova deyib.
O bildirib ki, vətəndaşlarımız hər zaman ölkə başçısına arxalanıb:
"Cəmiyyət inkişaf etdikcə ölkədə qlobal problemlər vətəndaşın xeyrinə həll olunursa, nə üçün xalq öz Prezidentinə arxalanmasın? Əlbəttə, Prezdentimiz hər zaman xalqın qayğısına qalıb. Xüsusilə, Sumqayıtdakı səfərində tələbənin sual verməsi zamanı Prezdentin cavabı olduqca maraqlı idi. Bu günə qədər məcburi köçkünlər üçün 102 qəsəbə tikilib istifadəyə verilib və 55 mindən çox ailə yerləşdirilib. Heç bir ölkədə sosial problemlərin həllinə bu qədər diqqət yetirilmir.
Prezidentin müxtəlif rayonlara gedişi və xalqımızın problemlərini rahatlıqla ölkə başçsısına deməsi olduqca sevindiricidir. Prezident belə halları daim diqqətdə saxlayır və məsələnin həllinə çalışır. Ölkəmizdə yeni məktəblərin tikilməsi, səhiyyə ocaqlarının salınması onu göstərir ki, dövlət başçısı daim yaxşı yaşaması üçün çalışır. Təsadüfi deyil ki, Prezident bütün çıxışlarında xalqa xidmət etdiyini deyir və bütün bunlar məmurlar üçün də bir nümunədir”.
Qeyd edək ki, dünən Prezident İlham Əliyev Sumqayıt şəhərinə gedib və orda inşa edilən dənizkənarı bulvarda yaradılan şəraitlə tanış olub.Ölkə başçısı sakinlərlə səmimi söhbət edərək onların problemləri ilə maraqlanıb.
Yeganə Bayramova
