"Prezidentin imzaladığı əfv sərəncamını çox müsbət dəyərləndirirəm”.
Bunu "Sherg.az”a açıqlamasında millət vəkili Tahir Kərimli deyib.
Deputat bildirib ki, elə bir beynəlxalq təşkilat, elə bir ciddi qurum və şəxs yoxdur ki, bu Sərəncamı yüksək qiymətləndirməsin:
"Hətta Avropa İttifaqı da Azərbaycanla əməkdaşlıq ərəfəsində bu addımı çox müsbət dəyərləndirib. Əfv siyahısı kifayət qədər böyükdür. Əfvə düşənlər arasında müxtəlif siyasi mövqeli 50-dən artıq şəxs var. Prezident İlham Əliyev böyük ürək sahibidir. 431 nəfər məhbusun əfv edilməsi kimi humanist addımı da bunu bir daha təsdiqləyir. Şübhə yoxdur ki, proses davam edəcək. Bildiyiniz kimi cənab Prezident müəyyən islahatların anonsunu verib.
Qarşıda 28 may "Respublika Günü” gəlir, həmin tarixdə də növbəti əfv ola bilər. Ona görə də prosesləri düzgün dəyərləndirmək, aqressivlikdən uzaq olmaq lazımdır. Hökumətlə dövləti qarışdıranlar bilsinlər ki, hamımızın bir Vətəni, bir dövləti var. İqtidara qarşı qərəzi dövlətə qarşı yönləndirmək yolverilməzdir”.
İsmayıl
