"Diqlas” ticarət mərkəzində ziyan çəkən sahibkarlara cənab Prezidentin yardım əli uzatması alqışalayiqdir”.
Bunu "Sherg.az”a millət vəkili Elman Məmmədov deyib.
O qeyd edib ki, Cənab Prezidentin həmin sahibkarlara dövlət yardımın verilməsinə dair bu tapşırığı bir daha ölkə rəhbərinin bütün vətandaşların yanında olduğunu, onlara diqqət göstərdiyini sübüt etdi:
"Dünyanın heç bir inkişah etmiş ölkəsində özəl sahibkarlıq obyekti yandıqda sığortası olmadan dövlətin ona dəyən ziyanı ödəməsi görünməyib.
"Diqlas” ticarət mərkəzi onlarla ailənin iş yeri, qazanc mənbəyi idi. Ora yandıqda insanlar yalnız işsiz qalmadı. Eyni zamanda onlar əmlaklarını, pullarını, mallarını itirdilər. Bu cür vəziyyət insanların sosial şəraitlərini pisləşdirir. Amma cənab Prezident həmin məqamda yenə humanist addım atdı.
Fikrimcə, ölkə rəhbərliyinin bu qərarı əvəzsizdir, dəyərlidir. Çünki insanlar kredit götürüb, borca girib icarəyə götürdüyü yerdə kiçik sahibkarlıqla məğul olaraq evlərinə çörək aparırdı.
Yanğın zamanı onların düşdüyü vəziyyət çox acınacaqlı idi. Amma Cənab Prezident yenə vətandaşları çətin günlərində tək qoymadı, onların köməyinə çatdı. Ölkə başçısının bu addımı Allaha da, bəndəyə də xoş gedir. Cənab Prezidentə öz adımdan, vətandaşlar adından təşəkkür edir, minnətdarlığımı bildirirəm. Allah ölkə başçımızı qorusun”.
Kənan Eynuroğlu
