Bu sözləri "Sherg.az"-a prezidentin Rusiya səfəri zamanı, Rusiya Federasiyasının İqtisadi İnkişaf Nazirliyi və Azərbaycan Respublikasının İqtisadiyyat Nazirliyi arasında iqtisadi əməkdaşlığın inkişafı haqqında sazişi dəyərləndirərkən, iqtisadçı-ekspert Pərviz Heydərov deyib.
O bildirib ki, Azərbaycanın iqtisadi əməkdaşlıq etdiyi ölkələr sırasında Rusiya ən önəmli yer tutur:
"Azərbaycandan qeyri-neft məhsullarının satışı üçün Rusiya bazarları ölkəmiz üçün ön plandadır. Ona görıə də bu əlaqələrin daha da inkişaf etdirilməsi Rusiya üçün də, Azərbaycan üçün də olduqca vacibdir. Hər zaman olduğu kimi, yaxın gələcəkdə də Rusiya Azərbaycan məhsulları üçün bir nömrəli bazardır".
İqtisadçının qənaətincə Rusiya ilə Azərbaycanın qarşılıqlı iqtisadi əməkdaşlığı ölkəmiz üçün qazanclı olacaq:
"Rusiya kimi böyük bazardan istifadə etməklə, Azərbaycan böyük iqtisadi mənfəət əldə edəcək. Dövlət başçılarının görüşü zamanı iqtisadi sahədə imzalanan sənədlər, əməkdaşlıq sazişləri təqdirəlaiqdir. Və bu sənədlər Rusiya üçün də, Azərbaycan üçün də əhəmiyyətli sayılmalıdır".
Qeyd edək ki, dünən Azərbaycan prezidenti İlham Əliyev Rusiyaya rəsmi səfəri zamanı Soçidə Rusiya prezidenti Vladimir Putinlə görüşüb. Görüşdə bir sıra sahələr üzrə fikir mübadiləsi aparılıb, razılıq əldə edilib. Əldə edilən razılıqlardan biri də, Rusiya Federasiyasının İqtisadi İnkişaf Nazirliyi və Azərbaycan Respublikasının İqtisadiyyat Nazirliyi arasında iqtisadi əməkdaşlığın inkişafı haqqında sazişdir. Ölkələrin iqtisadi əlaqələrinin daha da inkişafı üçün bu sazişin imzalanması ekspertlər tərəfindən mühüm qiymətləndirilir.
Anar
