Bu sözləri "Sherg.az" - a Rusiya-Azərbaycan münasibətlərindəmn danışarkən, millət vəkili Aydın Hüseynov deyib.
Prezident İlham Əliyevin Rusiyaya sonuncu səfərini xatırladan millət vəkili qeyd edib ki, Azərbaycan-Rusiya dostluğunun möhkəm kökləri var:
"Zaman-zaman münasibətlərə xələl gətirmək istəyənlər olub, indi də də var. Onların da kim olduğu məlumdur. Onlar ermənilər və ermənipərəst qüvvələrdir. Biz onlara imkan verməməliyik ki, xalqlarımız arasında belə xoşagəlməz vəziyyətlər yaratsınlar. Onlar öz istəklərinə çata, münasibətlərimizə kölgə sala bilməyəcəklər. Çünki qeyd etdiyim kimi, Rusiyada da Azərbaycanı dəstəkləyən kifayət qədər qüvvələr var və siyasi rəhbərliyin Azərbaycan dövlətinə münasibəti çox yüksəkdir. Eləcə də Azərbaycan dövlətinin Rusiyaya qarşı münasibəti müsbətdir. Bunu cənab prezidentimizin Rusiyaya səfəri, rusiyalı həmkarı ilə görüş, verilən bəyanatlar, imzalanan sənədlər də sübut edir".
A.Hüseynov qeyd edib ki, cənab İlham Əliyevin Rusiyaya rəsmi səfəri, Vladimir Putinlə bir sıra sahələrin inkişafını özündə əks etdirən sənədlərin imzalanması, əməkdaşlığın daha da inkişaf etdirilməsi üçünatılan addımlar hər iki ölkə üçün lazımlı və vacibdir:
"İqtisadi sahədə imzalanan sazişlər, iqtisadi əməkdaşlıq sənədlərinin razılaşdırılıb imzalanması böyük əhəmiyyətə malikdir. Qeyri-neft sektorunun inkişafında Rusiya, Azərbaycan üçün önəmli bazardır. Bizim məhsullar üçün Rusiya bazarları vacib və çox əhəmiyyətlidir. Əməkdaşlıqla bağlı prezidentlərin razılığı, münasibətlərin daha da inkişaf etdirilməsi üçün lazımi dövlət sənədlərinin imzalanması çox önəmlidir. Bununla Azərbaycan iqtisadiyyatı daha da güclənəcək, ölkəyə valyuta axını artacaq. Bütün bunları nəzərə alaraq prezidentin Rusiya səfərini çox yüksək qiymətləndirirəm".
Qeyd edək ki, dünən Azərbaycan prezidenti İlham Əliyev Rusiyaya rəsmi səfərə gedib. Rusiyalı həmkarı Vladimir Putinlə Soçi şəhərində baş tutan görüşdə bir sıra məsələlər müzakirə olunub. Həmçinin Rusiya-Azərbaycan əlaqələrini inkişaf etdirəcək, əməkdaşlığı gücləndirəcək siyasi və iqtisadi ssazişlər imzalanıb.
Anar
