Bu gün Rusiyanın Türkiyənin İstanbul şəhərindəki baş konsulluğu qarşısında 200 -dən çox nümayişçi etiraz aksiyası keçirib.
"Sherg.az" "Lefigaro.fr"ə istinadən xəbər verir ki, bu barədə Fransanın "L'Agence France-Presse" informasiya agentliyi məlumat yayıb. Xəbərə görə, nümayişçilər Suriyadan qaçaraq Türkiyəyə sığınan miqrantlardan ibarət olub.
Onlar Rusiyadan Suriyanın Dəməşq şəhəri yaxınlığındakı şimali Qutada gedən döyüşlərdə Bəşər Əsəd rejiminə verdiyi dəstəyi dayandırmasını tələb ediblər.
Etirazçılar Bəşər Əsəd rejimini və ona dəstək göstərən Rusiya və İran hökumətlərini kəskin şüarlarla tənqid ediblər.
Tərcümə etdi: Ayyət ƏHMƏD
