"Təəssüflər olsun ki, bu cür danışıqlar Dağlıq Qarabağ məsələni həll etmir”.
Bunu "Sherg.az” açıqlamasında Azərbaycanın keçmiş xarici işlər naziri Tofiq Zülfüqarov deyib.
Sabiq XİN rəhbəri bildirib ki, Ermənistan tərəfi, konkret baş nazir Nikol Paşinyan radikal bəyanatlar verməklə məşğul idi:
"Erməni rəhbərliyi nəinki Qarabağı, hətta ətraf əraziləri də işğaldan azad etmək niyyətində olmadığını dilə gətirirdi. Hətta belə bir bəyanat da verirdi ki, İrəvan torpaqları sülhlə qaytarmaq istəmir. Paşinyanın bu tipli bəyanatlarından sonra həmsədrlər tərəfindən ona bəzi təzyiqlər oldu.
Paşinyanı məcbur etdilər ki, danışıqlara "hə” desin. İndi Ermənistan tərəfi müxtəlif variantlar fikirləşir ki, Vyana görüşü baş tutsa da, nəticə olmasın. Yaxud, bilinsin ki, İrəvan torpaqları azad etmək fikrində deyil”.
T.Zülfüqarovun sözlərinə görə, Azərbaycan tərəfi anlayır ki, ermənilər sülh yolu ilə torpaqlarımızı qaytarmaq niyyətindən uzaqdırlar:
"Rəsmi Bakı çalışır ki, həm bu cür görüşlər, həm də baş verən hadisələr fonunda ermənilərin işğalçılıq siyasətini ifşa etsin. Məqsəd düşmənin əsl niyyətini dünya ictimaiyyətinin diqqətinə çatdırmaqdır. Məncə, Vyana görüşünə razılıq verilməsinin də mahiyyəti bundan ibarətdir”.
İsmayıl
