"Prezident İlham Əliyevin şəhid ailələrinə göstərdiyi dəstəyi bütün Azərbaycan alqışlayır”.
Bunu "Sherg.az"a Quba rayonundan olan şəhid Əhmədov Eldar Şəmsədiin oğlunun qardaşı Əhmədov Azər Şəmsəddin oğlu bildirib.
Onun sözlərinə görə, ölkə başçısının şəhid ailələrinə diqqət və qayğısı göz qabağındadır:
"Hər zaman Azərbaycanda şəhidə, şəhid ailələrinə hörmət, diqqət olub, olacaq da. İllərdir, Prezident İlham Əliyev şəhid ailələrinə qayğı ilə yanaşır. Onları mənzillə təmin edir, maddi sıxıntısını aradan qaldırır. Şəhid ailələrinə 11 min manatlıq birdəfəlik ödəmələr edilir. Bu maddi yardım sosial şəraitimizi xeyli yaxşılaşdırdı. Bütün işlərin hər biri göz önündədir. Cənab Prezidentin şəhid ailələri ilə görüşü bizi qürurlandırdı. Allah cənab Prezidentə uzun ömür versin”.
Qeyd edək ki, Yanvraın 28-də dövlət başçısı İlham Əliyev və birinci vitse-prezident Mehriban Əliyeva Prezident Sarayında şəhid ailələri ilə görüşüblər.
Kənan Eynuroğlu
