"Ən böyük məsuliyyət Astan Şahverdiyevin üzr istəməsidir. Öz səhvini etiraf edib. Həm Azərbaycanda, həm də xaricdə yaşayan azərbaycanlılardan üzr istəyib. Ona görə də A. Şahverdiyevə qarşı təhdidlərdən çəkinmək lazımdır".
Bu sözləriSherg. az-a millət vəkili Astan Şahverdiyevin Rusiyada yaşayan azərbaycanlıları "otxot" adlandırmasından sonra ona qarşı artan təhdidlərə münasibət bildirərkən həmkarı Tahir Kərimli söyləyib. Deputat qeyd edib ki, belə təhdidlərin sonu cinayət və yaxud inzibati məsuliyyətə cəlb olunma ilə nəticələnir:
" Düzdü, o, xalqın heysiyyatına toxunub. Amma özü üzrxahlıq edib və bununla da məsələ bitib. Bu mənada düşünürəm söz-söhbəti dondurmaq lazımdır. Yəqin hamı anlayacaq ki, ortada A. Şahverdiyevin üzrxahlığı var. Həm də A. Şahverdiyevin düşmənləri, rəqibləri bu vəziyyətdən sui-istifadə edə bilərlər. Ona qarşı cinayət törədib, deyə bilərlər ki, xaricdən hədələyirdilər, yəqin onlar edib. Mənə elə gəlir ki, doğrudan da ciddi təhdidlər varsa, Astan müəllimin özü ehtiyac duyarsa, hüquq mühafizə orqanlarına müraciət etməlidir".
Qeyd edək ki, millət vəkili Astan Şahverdiyevin Rusiyada yaşayan azərbaycanlıları "otxot" adlandırmasından sonra ona qarşı təhdid və təzyiqlər artıb. Deputat evinin yandırılması ilə şantaj olunur.
Ayyət
