Ekologiya və Təbii Sərvətlər Nazirliyi ölkə ərazisində havanın pisləşəcəyi ilə bağlı xəbərdarlıq edib.
Lent.az-ın məlumatına görə, xəbərdarlığa əsasən, oktyabrın 26-sı gündüz, 27-də bəzi rayonlarda qərb küləyinin arabir güclənəcəyi, axşam və gecə saatlarında yağış yağacağı gözlənilir. Havanın temperaturu 27-də ötən günlə müqayisədə 4-6° aşağı enəcək.
Oktyabrın 26-da Bakıda və Abşeron yarımadasında hava şəraiti dəyişkən buludlu, əsasən yağmursuz keçəcək, səhər bəzi yerlərdə zəif duman olacaq. Mülayim cənub-qərb küləyi günün ikinci yarısında arabir üclənən şimal-qərb küləyi ilə əvəz olunacaq. Havanın temperaturu gecə 13-15° isti, gündüz 20-25° isti, Bakıda gecə 13-15°, gündüz 23-25° isti olacağı gözlənilir.
Sabah Azərbaycanın rayonlarında əsasən yağmursuz olacaq, səhər ayrı-ayrı yerlərdə duman olacağı gözlənilir. Lakin axşam bəzi yerlərdə şimşək çaxacağı, yağış yağacağı ehtimalı var. Qərb küləyi ayrı-ayrı yerlərdə arabir güclənəcək. Havanın temperaturu gecə 9-14°, gündüz 21-26° isti, dağlarda gecə 5-10°, gündüz 13-18° isti olacaq.
