Amerikada ilk, dünyada ikinci müvəffəqiyyətli penis nəqli reallaşıb. Xərçəng xəstəliyi ucbatından cinsiyyət orqanı kəsilib götürülən 64 yaşlı Tomas Manningə penis nəql edilib.
Aile.lent.az-ın xarici KİV-ə istinadən xəbərinə görə, Boston şəhərindəki Massachusetts Hospitalının həkimləri 15 saat davam edən bir əməliyyatla Amerikada ilk penis nəqli əməliyyatını həyata keçiriblər. Əməliyyat uğurla keçib və xəstənin vəziyyəti yaxşıdır.
Ona eyni qan qrupundan olan ölü donorun penisi nəql edilib.
Tomas Manning 2012-ci ildə xüsusi xərçəng növü səbəbindən penisini itirib. Penis xərçəngi nəticəsində xəstənin cinsi orqanı 2,5 santimetr uzunluğunda qalıb. O bildirib ki, bu çatışmazlığına görə heç bir qadınla cinsi münasibətdə ola bilmirmiş: "Bir qadına necə deyəsən ki, mənim penisim yoxdu? Bu, dəhşət idi".
Hazırda isə o, normal cinsi həyat yaşadığını etiraf edib.
