Avqustun 3-də Tokio-2020 Yay Olimpiya Oyunlarında güləş üzrə daha 3 çəki üzrə mübarizəyə start veriləcək.
"Report"un məlumatına görə, bu gün həmin çəkilər üzrə püşkatma mərasimi keçirilib.
Azərbaycanın yunan-Roma güləşçisi İslam Abbasov (87 kq) ilk mərhələdə kubalı Daniel Heçavarria ilə qarşılaşacaq. Abbasov bu görüşdə qalib gəlsə, 1/4 finalda Kiril Maskeviç (Belarus) - Məhəmməd Metvalli (Misir) qarşılaşmasında üstün olan güləşçi ilə üz-üzə gələcək.
Qeyd edək ki, 87 kq çəkidə qarşılaşmalar Bakı vaxtı ilə saat 06:30-da başlayacaq.
