Ərdoğan Qərb institutlarına doğru daha böyük istiqamət götürməlidir”. Ekspertlərə görə, dövlət katibi Pompeonun ifadələrində Ankara hökumətinə həm çağırış, həm də bir mesaj var. Şübhəsiz ki, Türkiyə rəhbərliyi NATO-nun önəmini, eyni zamanda alyans da Türkiyənin əhəmiyyətini anlayır. Lakin hesab edilir ki, indiki məqamda Türkiyənin Rusiya və İranla daha sıx əməkdaşlığı Qərb ölkələrini hiddətləndirə bilər. Amma istənilən halda Türkiyənin NATO-dan imtina edəcəyi və ya Amerikanın müttəfiqi Ankaradan vaz keçəcəyi inandırıcı görünmür.
Dövlət katibinin açıqlamasını "Şərq”ə dəyərləndirən politoloq Sədrəddin Soltan Türkiyənin NATO üçün çox faydalı işlər gördüyünü deyib. Ekspertin sözlərinə görə, hazırda hərbi alyansın sərhədi Türkiyənin sayəsində Yaxın və Orta Şərqədək uzanıb:
"Türkiyəni siyasi-hərbi təşkilatdan uzaqlaşdırmaq bir çox üstünlüklərdən məhrum olmaq deməkdir. Türkiyənin İran və Rusiya ilə yaxınlaşması Qərbin ciddi maraqlarına toxunmur. Rəsmi Ankara bu dövlətlərlə münasibətləri inkişaf etdirməklə beynəlxalq hüququ və baza normalarını pozmur. Avropa dövlətləri Rusiya ilə əməkdaşlığı davam etdirirlər. Böyük Britaniya, Fransa və Almaniya 2015-ci il iyulun 15-də İranın atom proqramına dair "Əhatəli Razılaşma Planı”na imza atıblar. Bundan başqa həmin dövlətlər Tehrana münasibətdə ABŞ-la mövqelərini hələ də uzlaşdıra bilməyiblər. Bu baxımdan Pompeonun çıxışları Türkiyəyə təzyiq vasitəsinin elementidir. Lakin bunun daha da dərinləşərək böhran həddinə çatacağı ehtimalı çox azdır”.
İsmayıl
