İyulun 18-də Ukraynada ABŞ-la birgə "See Breeze” hərbi təlimləri başlayacaq.
APA-nın "RİA Novosti"yə istinadən verdiyi məlumata görə, bunu Ukrayna Müdafiə Nazirliyinin mətbuat katibi Oksana Qavrilyuk deyib. O bildirib ki, təlimlər Odessa və Nikolayev vilayətlərində, həmçinin Qara dənizin şimal-qərbində keçiriləcək.
Təlimlərin məqsədi Qara dəniz regionunda etimad və təhlükəsizliyin səviyyəsinin artırmaq və Ukrayna hərbi-dəniz qüvvələri ilə NATO və tərəfdaş ölkələrin donanmaları arasında uyğunluğu yaxşılaşdırmaqdır. Əvvəlcədən təsdiq olunmuş plana əsasən iyun-oktyabr aylarında keçiriləcək "See Breeze” təlimlərində Ukraynaya 25 sutka müddətinə ABŞ və NATO-ya üzv digər ölkələrdən 2 min hərbçi, 15 gəmi, 5 sualtı qayıq, 12 təyyarə və helikopter və 100 ədəd təkərli hərbi texnika gətiriləcək.
